Шар цав үлэг гүрвэлийн мөрт газрын лаборатори музей

Өмнөговь аймгийн Манлай сумын газар нутагт байрлах, 85–90 сая жилийн өмнөх хожуу Цэрдийн үеийн 13,600 гаруй үлэг гүрвэлийн мөрний хэв өнөөг хүртэл хадгалагдан үлдсэн үлдсэн Шар цав үлэг гүрвэлийн мөрт газрын хээрийн лаборатори музейгээр зочлон, үлэг гүрвэлийн мөрүүдийг тайлбар - мэдээлэлтэйгээр танилцан, бусад мөрт газруудын танилцуулга, мөр үлдээсэн болон олдворт үлэг гүрвэлүүдийн үзмэртэй танилцаарай. Тус хээрийн лаборатори музейг Оюу Толгой ХХК-ийн дэмжлэгээр бүтээн байгуулсан бөгөөд ШУА-ийн Палеонтологийн хүрээлэнгээс хариуцан ажиллуулдаг.